Hai whakakapinga ake i te wā tuku kōrero ā ngā ringatuhi mo te rā tuatahi o KUPU, ka noho atu tētahi o ngā kaihoe i te waka o te tarāti o KUPU, a Mākoha Gardiner, ki tētahi o ngā toa o Ngāti Tūwharetoa, ki a Herea Winitana. Ka noho te tokorua ki te kōrero i ngā āhuatanga whakamāori i ngā tuhinga a Witi Ihimaera, arā, a Pounamu Pounamu.

Kua aua atu i te 50 tau te wā i tuhia e Witi tana pukapuka, Pounamu Pounamu. Ā, i raro i ngā whakaritenga o Kotahi Rau Pukapuka, i tūhono atu ētehi kaiwhakamāori nō ngā pito o te motu whakamāori ai i ngā tuhinga rā. Ko Herea tonu i whakamāori, ā, ko Mākoha i noho atu hai karu hōmiromiro i ā rātou whakamāoritanga.

Kia nanao atu tātou ki ngā kōrero a te tokorua nei, hai mirimiringa taringa, hai whakaohoohonga wairua, hai whakaoranga ngākau. Tēnā, kia ngahau te ngākau.