Heke iho nei i ngā kāwai rangatira o te pā tonu nei, ko tēnei whetū tātai kupu, a Matariki. Kua tūhono mai ia ki KUPU i tēnei tau tuitui kupu ai hai whakairinga ki ngā pātū o te whare karakia, o St Faiths. Ka tukutukuria e ia āna rotarota hai kupu whakawhetai ki tōna tupuna, ki a Pīhopa Manuhuia, me te taki tonu i ngā kupu, ngā tohutohu me ngā ōhākī o tōna tupuna.

Kia kotahi tā tātou noho ki te poho o te whare o Te Hāhi o Te Whakapono, whakarongo ai ki ngā uri o Te Pīhopa rongonui o Ōhinemutu, o Ngāti Whakaue, e rotarota ana, e whakahua ake ana i āna kupu e paorooro ai te whare i te reo o te mokopuna.

"Kia whakatōmuri te haere whakamua."