No nā tata nei, whakarewaina e tēnei toa o te ao haka, a Tūkiterangi Curtis, tōna pukapuka hōu, arā, Te Reo a Tū: Tā te tū tauā he tiaki. Nā te kirikawa ki te rākau ō Ngāti Rongomai tēnei i whakaemi hai pukapuka e mau ai ngā kōrero me ngā whakataukī Motuhake ake ki Te Whare Tū Tauā.

Kua tukua e tēnei ringatuhi āna kupu kia noho te reo o Tūmatauenga me ōna tini horopaki, ki te mata o te arero. Hāngai tonu ana a Tūkiterangi ki ngā tino kaupapa ōna, mokopuna mai, iwi mai, reo Māori mai, ao haka mai, katoa, katoa ko tāna he whāngai, he whakawhanake, he whakarangatira, he whakaora i te reo a Tū i roto i a Ngāi Māori, mo te ao katoa. E manawakairoke hoki ana a Tūkiterangi ki te ao o te karakia Māori. Nā Pou Temara rāua ko Te Wharehuia Milroy ia i panepane.

Tēnā, kia noho atu tātou ki a Tūkiterangi rāua ko tōna hoa rangatira a Renata Curtis, ruku atu ai ki te rētōtanga o ngā mātauranga i whāia e Tūkiterangi i hua mai ai tēnei taonga mo ngā whakareanga e haere ake nei.

‘Ko Tā te tū tauā, he tiaki.’