Ko te tuaringa kōrero tuatahi ka rangona i te tupuna whare, ko tā Poia Rewi, uri o Ngāti Whakaue, kua hoki mai ki te pae o KUPU whāriki ai i ngā kōrero mo te ara i paraina e ia kia hua mai ai ngā tuhinga o tana pukapuka, Whaikōrero.

Whirinaki atu ai a Tākuta Poia ki ngā rangatira maha o te motu i ōna wā, rangahau ai, kohikohi ai, ako ai i ngā mātauranga o tēnā, o tēnā, hai whakaūtanga kupu māna mō te kaupapa. Ko ngā kohikohinga kōrero nei he mea tuitui e ia hai iho tātai mō ngā kuia, koroua ki ō rātou uri whakaheke; hei taikura i tō nehe ao ki te ao o te wā, ā haere ake nei.

Whakarongo ki ngā kōrero a te uri nei hai whakairinga kupu ki ngā paitara o tō tātou tupuna whare, a Tamatekapua.

“Kia toa koe hei iti kotahi harakoa mō te iwi”